Dende a Asociación Cultural Os Abrentes de Cerdedo queremos compartir con vós o cartel do Concerto Benéfico “Nadal de Tradición”, que encherá de música e solidariedade o Centro Cultural de Cerdedo o vindeiro sábado 23 de Decembro ás 20:00h.
Unha cita única onde a maxia da música tradicional únese á nosa vontade de axudar. Durante o concerto, levaremos a cabo unha recollida de alimentos solidaria, destinada ao Comedor Social do Convento de San Francisco de Pontevedra. Un xeito de compartir a nosa ledicia cos que máis o precisan nesta época tan especial.
Os grupos participantes encherán o escenario coa súa arte e enerxía:
- Pandereteiras do Val de Quireza
- Tralha da Terra de Montes
- A.C. Afoutes do Canon de Pau
- A.C. Foula
- A.C. os Trazantes de Tenorio
- A.C. Os Abrentes de Cerdedo, cunha colaboración especial das nenas e nenos do CEIP San Xoán Bautista.
E para guiarvos nesta fermosa experiencia estará o noso compañeiro Rubén Troitiño.
Non vos preocupedes pola entrada, pois é de balde ata completar aforo.
Queremos agradecer a colaboración do Concello de Cerdedo-Cotobade, do CEIP San Xoán Bautista e ás Músicas da Terra de Montes por facer posible este evento tan especial.