Gravación do programa Vaia Troula da Televisión de Galicia na XXXIX Festa do Gaiteiro (Soutelo de Montes – Forcarei) o sábado 18 de agosto de 2018.
TVG
A XXXIX Festa do Gaiteiro en “Vaia Troula” da TVG
Todos os domingos, as festas de Galicia son as protagonistas do programa Vaia Troula. Da man de Nieves Rodríguez, os espectadores galegos terán a oportunidade de coñecer de preto e ser tamén os protagonistas das moitas celebracións e festas espalladas por toda o país.
Neste domingo, día 19 de agosto, Nieves Rodríguez dará a benvida desde algunhas festas, mentres que as reporteiras Belén Vara, Ariadna Leis e Belén Rivero achegaranse a outras tantas celebracións de Galicia. Hoxe lembra como eran antigamente os labores no campo desde a 19 edición da Malla Tradicional de Doade. Nunha fin de semana repleta de festas, o espazo estará na Festa do Esquecemento de Xinzo, no Entroido de Redondela, no Naufraxio de Laxe e na XXXIX Festa do Gaiteiro de Soutelo de Montes, onde tamén sairá o grupo de gaitas Os Abrentes de Cerdedo, entre outras moitas festas.
Os Abrentes no programa “Luar”
Luar estrea o mes de decembro coa música de Niña Pastori, cantadora de flamenco, con 22 anos de carreira, que conseguiu que todos os seus discos foran ouro e platino. Ao programa tamén acode King África, que está a celebrar 25 anos no mundo da música. Outros convidados son Carolina Cerezuela e Jaime Anglada, que forman o dúo Anglada Cerezuela. A actriz alacantina revela agora a súa paixón pola música, mentres que o cantautor mallorquino, con máis de 20 anos de carreira e oito discos ás súas costas, embárcase nunha nova aventura.
osabrentesdecerdedo.wordpress.com 