O pasado sábado 13 de abril comezamos coa gravación dunha peza adicada a Antonio Fraguas, composición de Rubén Troitiño.
Neste pequeno proxecto participan catro asociacións do concello de Cerdedo-Cotobade: Asociación Cultural Foula, Cerdedo/Cotobade, Os Trazantes de Tenorio, Os Afoutes do Canón de Pau e a A. C. Os Abrentes de Cerdedo. Esta gravación verá a luz o vindeiro mes de maio co gallo da celebración do día das Letras Galegas.
Moitas grazas a Rubén por contar con nós!
Despois de 23 anos de andaina, o grupo de gaitas Os Abrentes de Cerdedo pisa un estudio de gravación para deixar recollida de forma dixital unhas pezas do seu repertorio. Publícanse en internet cinco temas, onde tres deles foron gravados neste ano 2017 en Vigo. Con esta gravación, o grupo de gaitas intenta amosar o seu traballo buscando a maior naturalidade nunha gravación realizada nunha tarde de sábado para amosar a súa frescura e espontaneidade.
osabrentesdecerdedo.wordpress.com 