Candidaturas aos Premios Rebulir 2020 da Cultura Galega

A Asociación Cultural Os Abrentes de Cerdedo está nominada aos Premios Rebulir 2020 da Cultura Galega na categoría de Música Galega. Para nós é un verdadeiro pracer poder estar nominados nesta categoría xunto a Tanxugueiras, Pili Pampín, A. C. Traspès, A. C. F. O Fiadeiro, Cantigas e Agarimos, A Ponte Vella, Xabier Díaz, Rolle, Proxecto Arredores, Mercedes Peón, Javier Feijoo – Xisco e Sabela Ramil.

Pese a ser unha asociación cultura pequena temos unha traxectoria de 26 anos onde traballamos para a conservación, o estudo e a difusión da música tradicional como parte fundamental da cultura e tradición do pobo galego, centrando o seu estudo na comarca Deza-Tabeirós Terra de Montes.

Cabe destacar que no ano 2009, o programa Alalá da Televisión de Galicia adicou un episodio á historia da asociación cultural mostrando todo o traballo que esta realiza. Ademáis disto, o grupo de gaitas ten participado noutros espazos televisivos desta canle coma o Aquí Galicia, Galicia Enteira, O país máis grande do mundo ou Luar.

Os Abrentes en Radio Galega Música

O pasado domingo 8 de decembro a A. C. Os Abrentes de Cerdedo estivo no programa Lume na Palleira dirixido por Emilio Españadero na sintonía de Radio Galega Música na sección O recuncho da palleta da Asociación de Gaiteiros Galegos, nesta ocasión presentado por Gustavo Couto, presentando tres novas gravacións do grupo de gaitas co gallo do seu 25 aniversario.

No seguinte enlace poderedes escoitar todo o programa: Lume na palleira

Lume na palleira – Manuela das Marianas de Barro de Arén

O vindeiro domingo 1 de abril ás 17h no Recuncho da palleta, dentro do programa Lume na palleira (Radio Galega Música), dirixido por Emilio Españadero e coa colaboración da Asociación de Gaiteiros Galegos, Guillerme Ignacio Costa lembrará á recentemente falecida Manuela das Marianas de Barro de Arén (Cerdedo).

Os Abrentes de Cerdedo participaremos recordando a estreita relación que mantíñamos tanto con ela coma con tódalas pandereteiras de Barro de Arén.

Manuela Cortizo Medal || Bernabé/Luismy