PonteGal 2020

Pontegal

O grupo de gaitas Os Abrentes de Cerdedo dentro do Plan “Pontegal 2020“.

A Deputación de Pontevedra impulsa e fomenta a cultura popular galega nas súas múltiples e variadas expresións artísticas.

Co fin de dota ás entidades interesadas dunha ampla oferta de grupo créase o Catálogo de grupos Pontegal da provincia de Pontevedra, que configúrase coma o inventario de grupos, artistas e compañías, nas súas múltipes e variadas expresións artísticas, co fin de favorecer e impulsar a actividade artística e a riqueza da cultura popular existente na provincia de Pontevedra.

Este catálogo pretende ser un instrumento vivo, útil e eficaz para o coñecemento dos diferentes grupos de música, teatro, danza e outras modalidades artísticas da provincia. Nel recollerase información detallada sobre cada un dos grupos ou artístas.


Onde atoparnos?

Para buscarnos no plan PonteGal’20 simplemente deberás introducir o seguinte nome no buscador do Catálogo de grupos: GRUPO DE GAITAS OS ABRENTES DE CERDEDO

As solicitudes teñen que presentarse cunha antelación de máis de 30 días naturais con respecto á data de realización da actuación, previamente comunicado co grupo de gaitas.

Para máis información: osabrentes@gmail.com

XL Festa do gaiteiro de Soutelo

091e89_c0be8ccfeed442cf98c0da7fc924e4c3_mv2.jpg

O vindeiro sábado 24 de agosto celebraráse en Soutelo de Montes (Forcarei) a XL Festa do gaiteiro de Soutelo. Para nós é un verdadeiro placer e unha honra poder participar un ano máis nesta festa en homenaxe ao gran Avelino Cachafeiro Bugallo. Vai ser un día de troula dende a mañá ata a noite.

Ademáis, este ano conmemórase o 50 aniversario da edición do libro de Avelino Cachafeiro Voando cas aas da vida.

Programación para ese día:

  • 11:30h: Pasarrúas
  • 12:30h: Agrupación Folclórica Celme (Pontevedra) na Praza dos Gaiteiros
  • 13:00h: Pregón e homenaxe – Carme Hermida, Rubén Troitiño e a Banda De Gaitas de Forcarei
  • 14:00h: Xantar popular no parque Venezuela
  • 17:00h: Oradaladou e A. C. Os Abrentes de Cerdedo
  • 18:00h: Serán aberto
  • 20:00h: Homenaxe a Avelino Alberte Fírvida – Acordeonistas de Celanova e Os Diplomáticos do Acordeón

VI Festival de música tradicional de Focarei

Que dicir do pasado sábado 4 de maio en Soutelo de Montes? Incrible, nada máis. Queremos dar as grazas a Banda De Gaitas de Forcarei polo seu “VI Festival de música tradicional de Forcarei”. Para nós foi unha honra que esta edición fose adicada ao noso grupo de gaitas polo 25 aniversario, non temos palabras!

IMG_2549.jpg

Destacamos o traballo incansable desta agrupación no seu día a día e tamén para organizar este tipo de eventos así coma o das agrupacións invitadas: grupo de pandeiretas Lus de Keikoa de Forcarei, grupo de baile tradicional Aldail de Calo e a Coral de Ruada de Ourense.

Pouco máis que engadir, por moitos anos máis… viva a música tradicional!