XL Festa do gaiteiro de Soutelo

091e89_c0be8ccfeed442cf98c0da7fc924e4c3_mv2.jpg

O vindeiro sábado 24 de agosto celebraráse en Soutelo de Montes (Forcarei) a XL Festa do gaiteiro de Soutelo. Para nós é un verdadeiro placer e unha honra poder participar un ano máis nesta festa en homenaxe ao gran Avelino Cachafeiro Bugallo. Vai ser un día de troula dende a mañá ata a noite.

Ademáis, este ano conmemórase o 50 aniversario da edición do libro de Avelino Cachafeiro Voando cas aas da vida.

Programación para ese día:

  • 11:30h: Pasarrúas
  • 12:30h: Agrupación Folclórica Celme (Pontevedra) na Praza dos Gaiteiros
  • 13:00h: Pregón e homenaxe – Carme Hermida, Rubén Troitiño e a Banda De Gaitas de Forcarei
  • 14:00h: Xantar popular no parque Venezuela
  • 17:00h: Oradaladou e A. C. Os Abrentes de Cerdedo
  • 18:00h: Serán aberto
  • 20:00h: Homenaxe a Avelino Alberte Fírvida – Acordeonistas de Celanova e Os Diplomáticos do Acordeón
Advertisements

VI Festival de música tradicional de Focarei

Que dicir do pasado sábado 4 de maio en Soutelo de Montes? Incrible, nada máis. Queremos dar as grazas a Banda De Gaitas de Forcarei polo seu “VI Festival de música tradicional de Forcarei”. Para nós foi unha honra que esta edición fose adicada ao noso grupo de gaitas polo 25 aniversario, non temos palabras!

IMG_2549.jpg

Destacamos o traballo incansable desta agrupación no seu día a día e tamén para organizar este tipo de eventos así coma o das agrupacións invitadas: grupo de pandeiretas Lus de Keikoa de Forcarei, grupo de baile tradicional Aldail de Calo e a Coral de Ruada de Ourense.

Pouco máis que engadir, por moitos anos máis… viva a música tradicional!

VI Festival de música tradicional de Forcarei – Edición adicada a Os Abrentes de Cerdedo

O vindeiro sábado 4 de maio ás 20:30 no Auditorio de Soutelo de Montes (Forcarei) terá lugar o “VI Festival de música tradicional de Forcarei” organizado pola Banda de Gaitas do Concello de Forcarei. Neste ano a edición estará adicada ao grupo de gaitas Os Abrentes de Cerdedo polo 25 aniversario.

Dende a A. C. Os Abrentes de Cerdedo queremos agradecer esta adicatoria. Para o grupo de gaitas é toda unha honra ter esta homenaxe, ademáis vindo de desta banda de gaitas, cunha carreira máis que consolidada e mantendo viva as nosas músicas e tradicións dentro da contorna de Terra de Montes.

1136_page-0001.jpg

Os grupos participantes serán os seguintes:

  1. Grupo de pandeiretas Lus de Keikoa de Forcarei
  2. Grupo de baile tradicional Aldail de Calo
  3. Coral de Ruada de Ourense
  4. Banda de Gaitas do Concello de Forcarei

Entrada libre ata completar aforo.

Descargar: VI Festival de música tradicional de Forcarei

Organiza: Banda de Gaitas do Concello de Focarei
Colabora: Concello de Focarei | Deputación de Pontevedra