Antonio Fraguas

Rubén Troitiño…

“O vindeiro domingo día 12 xa estará dispoñible en internet a miña pequena homenaxe ao protagonista este ano polo día das Letras Galegas.

Muiñeira para Antonio Fraguas, adicada a este escritor, historiador, antropólogo e etnógrafo. Na gravación desta peza participan catro asociacións do concello de Cerdedo-Cotobade: Os Afoutes do Canón de Pau, Os Trazantes de Tenorio, A. C. Os Abrentes de Cerdedo e a Asociación Cultural Foula.

Presentarase en primicia na sintonía de Radio Galega Música da man de Emilio Españadero no programa Lume Na Palleira.”

Esta gravación estará dispoñible tanto na web do autor da peza coma na nosa onde a poderedes escoitar de forma gratuíta. Pola nosa parte agradecer poder participar neste proxecto xunto coas asociacións veciñas.

Para máis información: www.rubentroitino.com

II Xuntanza da terceira idade Cerdedo-Cotobade

A Xuntanza terá lugar o sábado 22 de setembro no Pavillón de Cerdedo. Iniciarase ás 12:00 horas cun acto relixioso na Igrexa de Cerdedo, posteriormente ás 12:40 horas actuación dos Abrentes de Cerdedo.

Ás 13:30 horas apertura do pavillón, o xantar de confraternización comezará ás 14:00 horas, rematado o cal haberá diversas actividades culturais e de lecer.

O Concello pon a disposición dos veciños autobuses para que todo o mundo poida acudir á comida, deberán comunicalo no momento da inscrición, os días 20 ao 21 de setembro terán que chamar o concello para saber parada e horas de recollida.

Homenaxe Ricardo Portela 2018

Compartimos a programación do Verán Cultural 18 do Concello de Cerdedo-Cotobade, onde o noso grupo de gaitas estará participando o día 17 de agosto na Homenaxe a Ricardo Portela.

Participaran os seguintes grupos:

• Banda Unión Musical de Tenorio
• A. C. Os Trazantes de Tenorio
• A. C. Os Afoutes do Canón de Pau
• A. C. Os Abrentes de Cerdedo

Horarios:

• 20:45 – Ofrenda floral a Ricardo Portela na Praza do Concello (Carballedo)
• 21:00 – Festival Folclórico